Тожикистон мудофаа вазирининг собиқ ўринбосари, генерал майор Абдуҳалим Назарзоданинг укаси Мирзоҳаёт Назаров ҳукумат кучларига таслим бўлди. Бу ҳақда «Коммерсант.ru» хабар бермоқда.
«1972 йилда туғилган Мирзоҳаёт Назаров дастлаб Абдуҳалим Назарзода ташкил этган тўдага аъзо бўлган бўлса-да, куни кеча гуруҳни тарк этиб, ҳукуматга таслим бўлди», — дейди Тожикистон Ички ишлар вазирлиги матбуот маркази вакили.
Қайд этишларича, Абдуҳалим Назарзоданинг укаси нима сабабдан ҳукуматга таслим бўлиш ҳақидаги қарор қабул қилгани ҳозирча номаълум.
Эслатиб ўтамиз, 4 сентябрь куни Тожикистоннинг Ваҳдат шаҳридаги ички ишлар бўлими биноси ва Душанбедаги Мудофаа вазирлиги марказий аппаратига қуролли ҳужум уюштирилган, оқибатда 9 нафар ҳуқуқ-тартибот посбони ҳалок бўлганди.
Изоҳ (0)