Саудия Арабистони бошлиқ араб мамлакатлари ҳарбий-ҳаво кучлари самолётлари Яман пойтахти Санага кучли авиазарбалар берди. Бу ҳақда «ТАСС» хабар бермоқда.
Agence France-Presse агентлиги маълумотларига кўра, авиазарбалар Сананинг шиаларнинг «Ансоруллоҳ» ҳаракатига мансуб исёнчи хусийлар ва армиянинг собиқ президенти Али Абдулла Солиҳга содиқ кучлари назорати остидаги туманларига берилган.
Кучли портлашлар шаҳарнинг мазкур мавзеларини ларзага келтирган ва аҳолининг бир қисми ҳудудни тарк этишни бошлаган. Зарбалар, хусусан, қурол-яроғ омборлари, президент саройи, шунингдек, исёнчиларнинг Саудия Арабистони ва БАА элчихоналари олдидаги марраларига берилган.
Эҳтимолий қурбонлар ва жабрланувчилар ҳақида ҳозирча ахборот йўқ.
Араб мамлакатлари коалицияси 5 сентябрь, шанба кунидан бошлаб Санага авиазарбалар бермоқда, бу коалициянинг 130 га яқин ҳарбийлари ўлимига сабаб бўлган исёнчиларнинг ракета зарбасига жавобан амалга оширилмоқда.
Қайд этиш жоиз, мазкур йўқотиш коалиция учун 2015 йил мартида бошланган операция давомида энг каттаси бўлди. Ракета зарбаси натижасида 45 нафар БААлик, 30 нафар баҳрайнлик, шунингдек, саудиялик ва бошқа мамлакатларнинг аскарлари ҳалок бўлди.
Изоҳ (0)