“Barselona” futbol klubi va Argentina terma jamoasi hujumchisi Lionel Messi faoliyati davomida KONMЕBOLning qolgan to‘qqiz terma jamoasi darvozasiga gol urgan ilk argentinalikka aylandi. Bu haqda “Championat.com” xabar bermoqda.
28 yoshli futbolchi Boliviya terma jamoasiga qarshi o‘yinda zaxiradan maydonga tushib, dublni rasmiylashtirdi. O‘yin Argentina terma jamoasining 7:0 hisobidagi g‘alabasi bilan yakuniga yetgandi.
Qayd etish joiz, janubiy amerikaliklar orasida bu kabi natijaga shu vaqtgacha faqat uch futbolchi — braziliyalik Ziko, ekvadorlik Augustin Delgado va kolumbiyalik Arnoldo Iguaran erishgan.
Messi 2005-yildan beri Argentina terma jamoasida to‘p suradi va o‘tgan davr mobaynida 104 uchrashuvda 48 ta gol urishga muvaffaq bo‘lgan.
Izoh (0)