“Barselona” sport direktori: Messi bir umr klubimizda o‘ynaydi

“Barselona” sport direktori Robert Fernandes jamoa hujumchisi Lionel Messi hech qachon sotilmasligini aytib o‘tdi, deb xabar qiladi “Uff.uz”.

“‘Barselona’ Messini sotishi mumkinmi? Yo‘q, u bir umr klubimizda o‘ynaydi. Afsuski, u ‘Barselona’da abadiy o‘ynay olmaydi. Ammo oldinda hali ko‘p vaqt bor.

Odam yoshi o‘tgani sari mahoratini yo‘qotib borishi mumkin. Ammo Messi har doim yuksak o‘yin namoyish etish darajasida aqlli futbolchi. Unda shunday iqtidor bor.

Messi kabi futbolchini yana topish mumkin emas. U erishgan narsalarga ilgari hech kim yetisha olmagan. Uning statistikasi, gollari va sovrinlariga qarang. Shundan siz buni takrorlashning imkoni yo‘qligini ko‘rasiz”, — deydi Fernandes.