Xitoy Davlat kengashi Bosh vazirining o‘rinbosari Van Yan Rossiya prezidenti Vladimir Putinga amerikalik aktyor Stiven Sigal bilan kuch sinashishni taklif etdi. Bu haqda “Interfax” xabar bermoqda.
Ushbu taklif 4-sentabr, juma kuni Putin Rus orolidagi okeanariumni ko‘rgani kelganda bildirildi. Ochilish marosimida birga ishtirok etgan Van Yan Putin va Sigalning sport borasidagi qiziqishlari o‘xshash ekanligini nazarda tutib, o‘zaro bellashuv o‘tkazishni taklif qildi. Rossiya prezidenti “Bunga jur’at etmagan bo‘lardim”, deya hazilomuz javob berdi.
Eslatib o‘tamiz, Putin dzyudo va sambo bilan 11 yoshidan boshlab shug‘ullanadi, karateda ham qora belbog‘i bor. Sigal esa aykido bo‘yicha yettinchi dan sohibi hisoblanadi.
Izoh (0)