Хитой Давлат кенгаши Бош вазирининг ўринбосари Ван Ян Россия президенти Владимир Путинга америкалик актёр Стивен Сигал билан куч синашишни таклиф этди. Бу ҳақда «Интерфакс» хабар бермоқда.
Ушбу таклиф 4 сентябрь, жума куни Путин Рус оролидаги океанариумни кўргани келганда билдирилди. Очилиш маросимида бирга иштирок этган Ван Ян Путин ва Сигалнинг спорт борасидаги қизиқишлари ўхшаш эканлигини назарда тутиб, ўзаро беллашув ўтказишни таклиф қилди. Россия президенти «Бунга журъат этмаган бўлардим», дея ҳазиломуз жавоб берди.
Эслатиб ўтамиз, Путин дзюдо ва самбо билан 11 ёшидан бошлаб шуғулланади, каратэда ҳам қора белбоғи бор. Сигал эса айкидо бўйича еттинчи дан соҳиби ҳисобланади.
Изоҳ (0)