NASA’dagilar kometalarni garpun yordamida “tutish”ni taklif qildi

NASA muhandislari kosmik qurilmalarni kometa yoki asteroid kabi kichik osmon jismlariga qo‘ndirishning yangi uslubini taklif qildi, deya xabar bermoqda Meduza. Ular garpun yordamida kometalarga zond ulamoqchi.

NASA reaktiv harakat laboratoriyasi xodimi Masaxiro Ono aytishicha, qurilma osmon jismiga zanjirli garpun otadi, so‘ng kometa va zond tezligi tenglashmagunicha, zanjirni bo‘sh qo‘yadi, undan keyin zanjirni asta-sekinlik bilan tortib, obyektga yaqinlashadi.

NASA ushbu uslubni baliq tutish bilan qiyosladi, bunda kometa baliq, kosmik qurilma baliqchi rolida bo‘ladi.

Yangi uslub yoqilg‘ini sarf qilmaslik va bitta missiya davomida biryo‘la bir nechta osmon jismiga qo‘nish imkonini beradi.