AQShning Xyuston shahrida o‘smir yigit selfiga tushish vaqtida halok bo‘ldi. Bu haqda, politsiya ma’lumotlariga asoslanib, Click2houston portali xabar bermoqda.
Baxtsiz hodisa 1-sentabr, seshanba kuni yuz bergan. 19 yoshli Deleon Alonso Smit o‘qlangan qurol bilan suratga tushmoqchi bo‘lgan, biroq kutilmaganda tepkini bosib yuborib, tomog‘idan o‘zini otib qo‘ygan.
“Bunga ishonib bo‘lmaydi. Kecha meni tug‘ilgan kunim bo‘lgandi, u meni tabriklagani kelgandi”, — dedi marhum o‘smirning buvisi Alma Duglas.
Hozirgi vaqtda mazkur holat yuzasidan politsiya tergov-surishtiruv harakatlarini olib bormoqda.
Izoh (0)