Shimoliy va Janubiy Koreya o‘rtasidagi munosabatlarning keyingi holati Janubiy Koreya hukumatining xulqiga bog‘liq. Bu fikr, “TASS” xabariga ko‘ra, KXDRning Koreyani tinch yo‘l bilan birlashtirish qo‘mitasi vakili tomonidan bildirilgan.
Qo‘mita vakili xorijiy safari davomida ikki Koreya o‘rtasidagi qurolsizlantirilgan hududda yaqinda bo‘lib o‘tgan keskinlik uchun javobgarlikni Pxenyan yelkasiga yuklagan Janubiy Koreya prezidenti Pak Kin Xeni tanqid ostiga oldi.
“Shimol va Janub o‘rtasidagi munosabatlarning joriy ahvoli ingichka muz ustidagi yurishni yodga soladi. Shu sababli ham Janubiy Koreya prezidenti o‘ylab fikr bildirmog‘i kerak”, — deydi qo‘mita vakili.
Pxenyan vakilining yodga solishicha, 7-sentabr kuni Koreya urushi sabab ajralib ketgan oilalarning uchrashuvlarini qayta tashkil etish bo‘yicha muzokaralar o‘tkazilishi ko‘zda tutilgan. “Shimol va Janub o‘rtasidagi munosabatlar qanday — barqaror yoki qarama-qarshi kayfiyatda rivojlanishi faqat Janubiy Koreya hukumatiga bog‘liq”, — dedi KXDR vakili.
Izoh (0)