AQShning moliyaviy markazi — Uoll-Stritda O‘zbekiston mustaqilligining 24 yilligi munosabati bilan O‘zbekiston davlat bayrog‘ini tantanali ravishda ko‘tarish marosimi bo‘lib o‘tdi. Bu haqda “Jahon” AA xabar bermoqda.
O‘zbekistonning Nyu-Yorkdagi diplomatik missiyasi tomonidan Amerika—Turkiston assotsiatsiyasi bilan hamkorlikda tashkil etilgan tadbirda Nyu-York shahrining ijtimoiy-siyosiy doiralari vakillari qatnashdi.
O‘zbekiston bayrog‘ini ko‘tarish marosimi mamlakat milliy madhiyasi sadolari ostida bo‘lib o‘tdi. Bayroq yetti kun davomida Uoll-Stritdagi 15 metrlik flagshtokda hilpirab turadi.
Tadbir mehmonlariga an’anaviy qo‘shiqlar hamohangligidagi o‘zbek kuylari va milliy raqslaridan iborat madaniy dastur namoyish etildi.
Izoh (0)