Buyuk Britaniya ballistik yadroviy raketalarni tashuvchi “Traydent” suvosti kemalari qarorgohi hisoblangan Shotlandiyadagi “Fasleyn” harbiy-dengiz kuchlari bazasini modernizatsiya qilish uchun yaqin 10 yil davomida 500 million funt-sterling (770 million dollar) sarflaydi. Bu haqda, “TASS” xabariga ko‘ra, Britaniya moliya vaziri Jorj Osborn ma’lum qildi.
Vazirning so‘zlariga ko‘ra, mazkur mablag‘lar “infratuzilmaviy loyihalarga, xususan, kemalar uchun mo‘ljallangan ko‘targichlar, prichallar va to‘lqinqaytargichlarni qurish uchun” sarflanadi. Modernizatsiya ishlari 2017-yilda boshlanishi kerak.
Osbornning so‘zlariga ko‘ra, mazkur qaror hukumatning “keyingi avlod suvosti floti operatsiyalarida ‘Fasleyn’ bazasi yetakchi bo‘lishini ta’minlash borasidagi intilishlari”dan dalolat beradi. “Harbiy-dengiz kuchlarining bu bazasida, shuningdek, qirollikning boshqa hududlarida mingta yangi ish o‘rni yaratiladi”, — dedi vazir.
Izoh (0)