Ahmad hoji Qodirov nomidagi Mintaqaviy xayriya jamg‘armasi (MXJ) Quddusda ekstremal sport turlari bilan shug‘ullanish imkonini beradigan maydoncha qurilishini moliyalashtirdi. “TASS”ning Checheniston rahbari Ramzan Qodirovga asoslanib xabar berishicha, bu sovg‘a “chechen xalqi va Quddus ahli o‘rtasidagi do‘stlik aloqalari ramzidir”.
Jamg‘arma mablag‘i evaziga qurilgan skeyt-park ochilishida Quddus meri Nir Barkat ham ishtirok etgan. Ramzan Qodirovning fikricha, “Quddus yoshlari uchun ajoyib sovg‘aga aylangan” skeyt-parkda xalqaro musobaqalarni ham o‘tkazish mumkin. Uning qurilishini Ramzan Qodirov ko‘rsatmasiga asosan Rossiya parlamenti deputati Adam Delimxonov muvofiqlashtirib borgan.
Eslatib o‘tamiz, 2014-yilning mart oyida MXJ mablag‘lari hisobidan Quddusdan 10 daqiqalik masofada joylashgan Abu-Gosh manzilgohida kattaligi jihatdan Isroilda uchinchi o‘rinda turuvchi Ahmad hoji Qodirov nomli masjid ochilgandi. Mazkur masjid shu yerlarda taxminan 400 yillardan beri istiqomat qiluvchi chechenlar iltimosiga ko‘ra qurilgandi.
Izoh (0)