Jahon banki O‘zbekistonda ko‘chmas mulk obyektlarining yagona bazasini shakllantirish uchun 400 ming dollar miqdorida grant ajratadi. Bu haqda, UzDaily xabariga ko‘ra, O‘zbekiston Yer resurslari, geodeziya, kartografiya va davlat kadastri davlat qo‘mitasi raisi birinchi o‘rinbosari To‘lqin Abdullayev ma’lum qildi.
To‘lqin Abdullayevning ma’lum qilishicha, hozirgi vaqtda tomonlar imzolanajak bitim bandlarini ishlab chiqmoqda. Grant mablag‘lari ko‘chmas mulkka nisbatan huquqlar va mazkur mulklar bilan bog‘liq savdolarni davlat ro‘yxatidan o‘tkazish tizimini takomillashtirishga yo‘naltiriladi.
Keyinchalik esa “Elektron hukumat”ning bir qismiga aylanadigan Ko‘chmas mulk obyektlari yagona bazasini tashkil etish rejalashtirilgan.
Izoh (0)