Janubiy Koreyaning ICT Technologies kompaniyasi 2017-yilda Milliy geografik axborot tizimi (MGAT)ni yaratish bo‘yicha ishlarni yakunlaydi, deya xabar bermoqda “Jahon” axborot agentligi O‘zbekiston Respublikasi Davlat yer resurslari, geodeziya, xaritashunoslik va davlat kadastri qo‘mitasi raisi birinchi o‘rinbosari To‘lqin Abdullayevga tayanib, deb yozadi UzDaily.
MGAT “Elektron hukumat” tizimining tarkibiy qismi sifatida shakllantirilib, sun’iy yo‘ldosh geodeziya tarmog‘i, davlat kadastri va ko‘chmas mulkni ro‘yxatdan o‘tkazishning yagona kompyuterlashtirilgan tizimini yaratishni ko‘zda tutadi.
25 million dollarlik loyiha Janubiy Koreya “Eksimbank”ining 15 million dollarlik qarzi hisobidan amalga oshirilmoqda. U 40 yil muddatga o‘n yillik imtiyozli davr bilan berildi.
Izoh (0)