2014-yil oktabrdan 2017-yil dekabrga qadar Oliy sud BMT Taraqqiyot dasturi va USAID bilan hamkorlikda “O‘zbekistonda qonun ustuvorligi sohasida sheriklik” loyihasini amalga oshirmoqda, deb yozadi “Gazeta.uz”. Loyiha ishining oraliq natijalari haqida 18-avgust, seshanba kungi press-turda ma’lum qilindi.
Loyiha BMT TD tomonidan O‘zbekiston bilan sudlar samaradorligi va hammabopligini oshirish hamda fuqarolarga sud tizimi xizmatlarining asosiy turlari uchun yo‘l ochib berish sohasida amalga oshirilgan ishlarning davomi bo‘ldi. Faoliyatning yo‘nalishlaridan biri — E-Sud elektron sud protsessining axborot tizimini kengaytirish. U 2013-yilda Fuqarolik ishlari bo‘yicha Zangiota tumanlararo sudida sinov tariqasida ishga tushgan edi.
E-Sud axborot portali bo‘lib, u orqali ushbu tizimga ulangan har qanday sudga elektron shaklda murojaat qilish mumkin. Avvallari sud qarorini olish uchun sud binosiga kamida 7—8 marta kelish kerak bo‘lgan bo‘lsa, elektron tizim joriy etilganidan buyon tashriflar soni 2—3 martagacha kamaydi.
Izoh (0)