Qoraqalpog‘iston bojxona boshqarmasi O‘zbekistonning o‘simlik va hayvonot dunyosi obyektlaridan o‘zboshimchalik bilan foydalanishga urinayotgan kimsalarning qilmishini fosh qildi, deb xabar beradi Davlat bojxona qo‘mitasi.
Qoraqalpog‘iston Respublikasi bojxona boshqarmasi tomonidan huquqni muhofaza qiluvchi idoralar vakillari bilan hamkorlikda Mo‘ynoq tumanida o‘tkazilgan tezkor tadbirlar davomida shu tumanda istiqomat qiluvchi shaxsning xonadoni xolislar ishtirokida ko‘zdan kechirilganda, bu yerda 138 ta qopda qiymati 214 million so‘mdan ortiq bo‘lgan 4551 kg Artemiy qisqichbaqasi urug‘lari yashirin ravishda saqlanayotganligi fosh qilindi.
Shuningdek, tumandagi sobiq Mo‘ynoq baliq konserva zavodi hududida o‘tkazilgan tadbir davomida omborlardan biriga 236 ta qopda qiymati 355 million so‘mdan ortiq bo‘lgan jami 7551 kg mazkur baliq ozuqasi noqonuniy ravishda saqlanayotganligi aniqlandi.
Hozirda yuqoridagi holatlar yuzasidan bojxona tekshiruvlari va surishtiruv jarayonlari davom ettirilmoqda.
Ma’lumot uchun, Artemiy qisqichbaqasi urug‘lari baliqchilik sohasida muhim ahamiyat kasb etib, baliqlar uchun ozuqa hisoblanadi. Yuqoridagi holatlarda esa ular Orol dengizidan noqonuniy ravishda yig‘ib olingan.
Izoh (0)