Qurollangan kishilar Mali shimolida joylashgan Gaberi qishlog‘iga hujum qildi, deya xabar bermoqda “Kommersant.ru”. Qurolli kuchlar vakillari ma’lum qilishicha, natijada o‘n kishi halok bo‘ldi.
Hodisa Malining Sevare shahridagi mehmonxonaga uyushtirilgan hujum bilan bog‘liq yoki bog‘liq emasligi hozircha aniq emas.
Eslatib o‘tamiz, avvalroq noma’lum shaxslar Malining markaziy qismidagi mehmonxonaga hujum qilgan edi. 8-avgust kuni Mali harbiylari mehmonxonani jangarilardan ozod qilish operatsiyasini yakunladi. So‘nggi ma’lumotlarga ko‘ra, hujum natijasida jami 12 kishi — besh harbiy xizmatchi, ikki nafar garovdagilar hamda to‘rt nafar terrorchi deb gumon qilinayotgan shaxs halok bo‘lgan.
Izoh (0)