Braziliyada Germaniyadan sharmandali mag‘lubiyatga uchralgan kunni nishonlash taklif qilindi

Braziliyalik siyosatchi Jota Silva JCh—2014 yarim finalida Germaniyadan (1:7) uchralgan mag‘lubiyatni mamlakat taqvimiga yangi xotira kuni sifatida kiritish taklifi bilan chiqdi, deb xabar qiladi “Arena.uz”.

“Bu bayram emas, balki xotira kuni bo‘ladi. Odamlar o‘sha o‘yindan keyingi ikki yoki uch oy davomida ‘Germaniyaning navbatdagi goli’ yuzasidan o‘zaro hazillashib yurdi. Ammo Braziliya futbolidagi inqiroz hamon davom etmoqda. O‘z-o‘zimizga savol berishimiz kerak: qayerga qarab ketyapmiz?

Shunday kun bizga aniq javobni beradi”, — dedi Silva.

Eslatib o‘tamiz, Braziliya va Germaniya terma jamoalari o‘rtasidagi uchrashuv 2014-yilning 8-iyul kuni Belu-Orizonti shahrida bo‘lib o‘tgandi.