Fransiyaning “PSJ” futbol klubi yangi o‘yinchisi Anxel Di Mariya “Manchester Yunayted” muxlislari ishonchini oqlay olmagani uchun ulardan kechirim so‘radi. Bu haqda “Korrespondent.net” xabar bermoqda.
“Meni bir yil davomida qo‘llab-quvvatlab turganliklari uchun ‘Manchester Yunayted’ning barcha ishqibozlariga minnatdorchilik bildirishni istardim. ‘Manchester Yunayted’dan tushgan taklif men uchun katta sharaf bo‘lgandi, chunki bu qanday klub ekanligi va menga katta ishonch bilan qarayotganliklarini bilardim. Biroq hammasi biz kutganchalik bo‘lmadi. Ishoning, bundan juda ham afsusdaman. Biroq futbolchining faoliyatida ba’zan shunday kutilmagan hodisalar va muvaffaqiyatsizliklar bo‘lib turadi”, — dedi Di Mariya.
Eslatib o‘tamiz, Di Mariya 2014-yil yozida Madridning “Real” klubidan 60 million funt-sterling (75 million yevro) evaziga “Manchester Yunayted”ga o‘tgandi. 2015-yil yozida esa u “PSJ” o‘yinchisiga aylandi.
Izoh (0)