Осиё чемпионати саралаш босқичларига тайёргарлик кўраётган Жасур Абдураимов бошчилигидаги Ўзбекистон ёшлар терма жамоаси Balcom BMW халқаро ўртоқлик кубогида иштирок этиш учун Японияга йўл олди, деб хабар беради Ўзбекистон футбол федерацияси матбуот хизмати.
Ушбу мусобақа Япониянинг Хиросима шаҳрида 9—12 август кунлари бўлиб ўтади. Турнирда Ўзбекистон ёшлар терма жамоасидан ташқари Хиросима ёшлар терма жамоаси, Япония ўсмирлар терма жамоаси ҳамда Польша ёшлар терма жамоаси иштирок этади.
Қуйида Ўзбекистон ёшлар терма жамоасининг ўйинлари тақвимини келтириб ўтамиз.
9 август.14:00. Ўзбекистон – Польша
11 август.12:00. Япония – Ўзбекистон
12 август.09:30. Хиросима – Ўзбекистон
Изоҳ (0)