Yaponiya tashqi ishlar vaziri Fumio Kisida o‘zining shimoliy koreyalik hamkasbi Li Su Yon bilan Malayziya poytaxtida o‘tkazilayotgan Janubi-Sharqiy Osiyo davlatlari Assotsiatsiyasi anjumani doirasida uchrashdi. Bu haqda “TASS” xabar bermoqda.
Uchrashuvga oid tafsilotlar keltirilmayotgan bo‘lsa-da, Yaponiya TIV rahbari Pxenyandan Shimoliy Koreya razvedkasi tomonidan o‘tgan asrning 70-yillarida o‘g‘irlab ketilgan yapon fuqarolari taqdiri to‘g‘risidagi surishtiruvlar natijasini talab etgani taxmin qilinmoqda.
Eslatib o‘tamiz, o‘tgan yilning may oyida ikki mamlakat hukumatlari yapon fuqarolarining o‘g‘irlab ketilishiga oydinlik kirituvchi yangi surishtiruv o‘tkazishga kelishib olgandi. Shundan so‘ng Tokio Pxenyanga nisbatan qo‘llanilayotgan sanksiyalarning bir qismidan voz kechishga rozi bo‘lgan.
Izoh (0)