O‘zbekiston bank troyanlari virusi hujumiga uchragan foydalanuvchilar soni bo‘yicha mamlakatlar reytingida 3-o‘rinni egalladi

“Kasperskiy Laboratoriyasi” “2015-yil ikkinchi choragida axborot xavflari rivojlanishi” hisobotini e’lon qildi, deya xabar bermoqda “Infocom.uz”. Unda keltirilgan ma’lumotlarga ko‘ra, O‘zbekiston bank troyanlari (virus) hujumiga uchraganlar foizi bo‘yicha uchinchi bo‘ldi.

Bundan tashqari, O‘zbekiston  barcha hujumga uchraganlar orasida mobil bankerlari hujumiga uchragan foydalanuvchilar ulushi, shuningdek mobil zararkunandalar tomonidan hujum qilingan foydalanuvchilar soni bo‘yicha yuqori o‘ntalik mamlakatlari qatoridan joy oldi.

Mobil bank troyanlari hujumiga uchragan foydalanuvchilar foizi bo‘yicha mamlakatlar reytingi:

1. Koreya Respublikasi — 2,37% (mobil bank troyanlari tomonidan hujumga uchragan foydalanuvchilarning mamlakatdagi barcha “Kasperskiy Laboratoriyasi” mobil antivirusi foydalanuvchilariga nisbatan foizi)
2. Rossiya — 0,87%
3. O‘zbekiston — 0,36%
4. Belarus — 0,30%
5. Ukraina — 0,29%
6. Xitoy — 0,25%
7. Qozog‘iston — 0,17%
8. Avstraliya — 0,14%
9. Shvetsiya — 0,13%
10. Avstriya — 0,12%

Mobil zararkunandalar hujumiga uchragan foydalanuvchilar bo‘yicha mamlakatlar reytingi:

1. Xitoy — 16,34% (mamlakatda hujumga uchraganlarning “Kasperskiy Laboratoriyasi” mobil antivirusi foydalanuvchilariga nisbatan foizi)
2. Malayziya — 12,65%
3. Nigeriya — 11,48%
4. Bangladesh — 10,89%
5. Tanzaniya — 9,66%
6. Jazoir — 9,33%
7. O‘zbekiston — 8,56%
8. Rossiya — 8,51%
9. Ukraina — 8,39%
10. Belarus — 8,05%