3-avgust, dushanba kuni Yevroittifoq Burkina-Faso byudjetiga 60 million yevro o‘tkazdi, deya xabar bermoqda “RIA Novosti”. Bu 2015-yil 11-oktabrga belgilangan saylovlar arafasida siyosiy, iqtisodiy va ijtimoiy barqarorlikni saqlab qolish uchun amalga oshirildi.
“Prezident Mishel Kafando bilan iyunda Bryusseldagi uchrashuvda 2015 va 2016-yillar uchun 120 million yevrolik moliyaviy paket ajratilishini tasdiqlagan edim. Bugungi ko‘mak mamlakatning demokratik muvaffaqiyatlarini mustahkamlashga qaratilgan”, — dedi xalqaro hamkorlik va taraqqiyot bo‘yicha yevrokomissar Neven Mimitsa.
Yevroittifoq mamlakatda 2014-yil noyabrida xalqaro tashkilotlar bilan muvofiqlikda boshlangan demokratik rejimga o‘tishni qo‘llab-quvvatlamoqda. Ta’kidlanishicha, qolgan mablag‘ saylovlar muvaffaqiyatli o‘tib, konstitutsiya me’yorlariga ko‘ra hukumat tuzilgach, o‘tkaziladi.
Izoh (0)