Malayziya Korrupsiyaga qarshi kurash boshqarmasi mamlakat bosh vaziri Najib Razzoqning bankdagi shaxsiy hisob raqamiga 700 million dollar o‘tkazilganini tasdiqladi. Shu bilan birga, boshqarma vakillari “mablag‘lar, hukumat rahbarining siyosiy raqiblari ta’kidlaganidek, 1MDB davlat investitsiya jamg‘armasidan emas, homiylardan kelib tushgan”, deya ma’lum qildi. Bu haqdagi barcha ma’lumotlar bosh prokuratura ixtiyoriga yuborilgan.Bu haqda “TASS” xabar bermoqda.
Eslatib o‘tamiz, mazkur holat yuzasidan tekshiruvlar Wall Street Journal nashrida bosh vazir hisob raqamiga o‘tkazilgan yirik miqdordagi pullar to‘g‘risidagi maqolalardan so‘ng boshlandi. Mualliflar mablag‘larni davlat jamg‘armasi bilan bog‘liq kompaniyalar o‘tkazganini da’vo qilgan.
Najib Razzoq, o‘z navbatida, unga nisbatan ilgari surilgan barcha ayblovlarni rad etib, hech qachon jamg‘arma mablag‘laridan shaxsiy maqsadda foydalanmaganini uqtirmoqda.
Izoh (0)