AQShning Vashington shtati politsiyasi o‘tgan yildan buyon qidiruvda bo‘lgan bank o‘g‘risi Jeyson Stenjni u “Marla Mey” qo‘rqinchli filmida yovuz qahramonni ijro etgach, qo‘lga oldi, deya xabar bermoqda The News Tribune.
44 yoshli jinoyatchining naq yettita rasmi mahalliy gazetadagi filmni suratga olish jarayoni haqida berilgan maqolada chiqqach, suratga olish maydonchasiga politsiya kelib, uni hibsga oldi. O‘g‘ri qamoqqa jo‘natilishidan oldin sahna libosini yechib, kinematografchilarga qaytarishiga ruxsat berishdi.
Hibs vaqtida jinoyatchi ishtirokidagi epizodlarning barchasi olinib bo‘lgan edi. Film rejissori Stenj ishtirokidagi sahnalarni kesib tashlamaslikka qaror qildi.
Izoh (0)