Лондон мэри ва Буюк Британия парламенти депутати Борис Жонсон Уильям Шекспир вафотининг 400 йиллиги муносабати билан шоир таржимаи ҳолини китоб ҳолига келтирмоқчи. Бу ҳақда Independent нашрига таяниб, «ТАСС» хабар бермоқда.
Нашр маълумотларига кўра, Жонсон Hodder нашриёти билан 500 минг фунт стерлингга (776 минг доллар) шартнома тузган. Китоб 2016 йилда сотувда пайдо бўлади.
Буюк Британия пойтахти маъмурияти раҳбари биринчи бор ижодий меҳнатга қўл ураётгани йўқ: унинг ўтган йил ноябрида чоп этилган «Черчилл омили: тарихни яратган одам» китоби оммалашиб, 160 минг нусхада сотилган эди.
Маълумот ўрнида: Шекспир биографияси 1987 йилдан 1999 йилгача Daily Telegraph газетасида ишлаган 51 ёшли Жонсоннинг ҳисоб бўйича ўн иккинчи китоби. 2000 йилда у Spectator журналига бош муҳаррир бўлди, 2008 йилда эса шаҳар мэри этиб сайланди. Унинг мэр сифатидаги йиллик маоши 43,97 минг фунт (68 минг доллар), депутатлик маоши 74 минг фунтни (115 минг доллар) ташкил этади. Ҳозирда ҳам ҳамкорлик қилаётган Daily Telegraph газетасидан эса йилига 275 минг фунт, яъни 427 минг доллар олади.
Изоҳ (0)