Fujisaki Electric kompaniyasi Yaponiyada asosiy yoqilg‘i sifatida bambuk ishlatiladigan dunyoda birinchi elektr stansiyasini qurishni rejalashtirmoqda. Germaniyaning Lambion Energy Solutions kompaniyasi loyiha ustidagi ishlarda ko‘mak beradi. Bu haqda The Wall Street Journal nashriga tayanib, “Vedomosti” xabar bermoqda.
Qurilish kelgusi yil yanvarida boshlanadi va 2016-yilning o‘zidayoq elektr stansiyasi ishga tushishi kutilmoqda. Fujisaki Electric vakillari loyiha xarajatlari 2,4 milliard iyena yoki salkam 20 million dollarni tashkil etishini va elektr stansiya yiliga 15,8 GVt elektr energiyasi ishlab chiqarishi mumkinligini ma’lum qilishdi. Bu energiya yil davomida 4860 ta oilani ta’minlashga yetadi.
Elektr stansiyasida xomashyo sifatida mahalliy bambuk ishlatiladi. Ma’lumot o‘rnida: Ginness Rekordlar kitobiga ko‘ra, bambuk – dunyoda eng tez o‘suvchi o‘simlik, uning ayrim turlari kuniga 91 santimetrgacha bo‘y cho‘zishi mumkin.
Izoh (0)