Fujisaki Electric компанияси Японияда асосий ёқилғи сифатида бамбук ишлатиладиган дунёда биринчи электр станциясини қуришни режалаштирмоқда. Германиянинг Lambion Energy Solutions компанияси лойиҳа устидаги ишларда кўмак беради. Бу ҳақда The Wall Street Journal нашрига таяниб, «Ведомости» хабар бермоқда.
Қурилиш келгуси йил январида бошланади ва 2016 йилнинг ўзидаёқ электр станцияси ишга тушиши кутилмоқда. Fujisaki Electric вакиллари лойиҳа харажатлари 2,4 миллиард иена ёки салкам 20 миллион долларни ташкил этишини ва электр станция йилига 15,8 ГВт электр энергияси ишлаб чиқариши мумкинлигини маълум қилишди. Бу энергия йил давомида 4860 та оилани таъминлашга етади.
Электр станциясида хомашё сифатида маҳаллий бамбук ишлатилади. Маълумот ўрнида: Гиннесс Рекордлар китобига кўра, бамбук – дунёда энг тез ўсувчи ўсимлик, унинг айрим турлари кунига 91 сантиметргача бўй чўзиши мумкин.
Изоҳ (0)