Pokiston Xitoydan sakkizta suvosti kemasi xarid qilish bo‘yicha kelishuvga erishdi. Bu haqda Express Tribune nashriga tayanib, “Vedomosti” xabar bermoqda.
- Foto: vesti.az
Suvosti kemalarini xarid qilish bo‘yicha kelishuvga Pokiston moliya vaziri Is’hoq Dor va Xitoyning China Shipbuilding & Offshore International Company kemasozlik kompaniyasi bosh direktori Syuy Szitsyuning muzokaralari chog‘ida erishilgan.
Aynan qanday suvosti kemalari haqida gap ketayotganligi hozircha ma’lum emas. Oldinroq Pokiston gazetalari Pekin bilan 041 (NATO tasnifida “Yuan”) turidagi dizel-elektr suvosti kemalarini xarid qilish masalasi muhokama qilinayotgani haqida xabar qilgandi.
Izoh (0)