2016-yili Rio-de-Janeyro shahri (Braziliya)da o‘tkaziladigan XXXI yozgi Olimpiada o‘yinlarining yo‘llanmalari uchun reyting ochkolari o‘ynalgan Xitoydagi Tur-Off-Haylek ko‘pkunlik velopoygasida O‘zbekiston terma jamoasi a’zolari ham munosib ishtirok etdi. Bu haqda O‘zbekiston Milliy olimpiya qo‘mitasi xabar bermoqda.
Dunyoning o‘ttizga yaqin davlati vakillari ishtirokida bo‘lib o‘tgan mazkur nufuzli musobaqada Murodjon Xolmurodov, Yusuf Abrekov, Abdullajon Akbarov, Akromjon Sunnatov, Jahongir Darmonov va Nikita Abramov kabi sportchilar O‘zbekiston sharafini himoya qildi.
E’tiborlisi, tog‘li trassa bo‘ylab 2030 km masofaga bir necha bosqichdan iborat bo‘lgan poygalar yakuniga ko‘ra, O‘zbekiston terma jamoasi a’zolari Osiyo jamoalari orasida birinchi o‘rinni egalladi. Bundan tashqari, shaxsiy hisobda o‘tkazilgan poygalarda Abdullajon Akbarov marra chizig‘iga ikkinchi bo‘lib yetib kelib, kumush medal sovrindori bo‘ldi.
Izoh (0)