O‘zbekistonning birinchi raqamli tennischisi Denis Istomin Shvetsiyaning Bastad shahrida davom etayotgan turnirning yakkalik bahslaridagi ishtirokini g‘alaba bilan boshladi. Bu haqda “Olamsport.com” xabar bermoqda.
O‘zbekistonlik tennischi mukofot jamg‘armasi 439 ming yevroga teng musobaqaning ilk davrasida argentinalik Diyego Shvartsmanga qarshi kortga chiqdi. 74 daqiqa davom etgan bahsda Istomin 6:3, 6:4 hisobida zafar quchdi.
Taqqoslash uchun, Denis Istomin jahon reytingida 73-, Shvartsman esa 66-o‘rinni egallab turibdi.
Istomin 21-iyul kuni mazkur musobaqaning juftliklar bahsida fransiyalik Stefan Rober bilan birga yana bir fransuz tennischisi Kenni De Shepper hamda braziliyalik Rojeriu Silva juftligiga 7:5, 6:7, tay-brekda 4:10 hisobida imkoniyatni boy berib qo‘ygandi.
Izoh (0)