11-iyul, shanba kuni Xitoy sharqiy sohillariga yopirilgan “Chan-xom” to‘foni keltirgan to‘g‘ridan-to‘g‘ri iqtisodiy zarar 1,9 milliard yuan (318 million dollar)ga baholanmoqda, deya xabar berdi “TASS”.
Asosiy zarba Chjetszyan provinsiyasidagi Chjoushan shahar okrugiga to‘g‘ri keldi. U yerda shamol tezligi soniyasiga 45 metrga yetgan.
94 ta uy to‘liq yoki qisman vayron bo‘lgan, 200 mingdan oshiq uylar chiroqsiz qolgan. Chjetszyan qirg‘oqlaridan 1 milliondan ziyod kishi evakuatsiya qilingan. Provinsiya qirg‘oqlari yaqinida dengizda turgan qariyb 30 mingta kema portlarga qaytib kelish haqida buyruq olgan.
Provinsiyadagi aeroportlar yopildi, 600 dan ortiq aviareys bekor qilindi. Dengizda yo‘lovchilarni tashish, shuningdek qator poyezdlar va uzoqqa qatnovchi avtobuslar harakati to‘xtatildi.
Izoh (0)