AQShning quruqlikdagi qo‘shinlari shtabi boshlig‘i general Rey Odiyerno Yevropadagi Amerika qo‘shinlari qisqarishini kechiktirishga qaratilgan harakatlarni amalga oshirishini ma’lum qildi. Bu haqda “RBK” xabar bermoqda.
“Bu Qo‘shma Shtatlarga qo‘shimcha kuchlarni mintaqada almashtirib turishni osonlashtiradi va Sharqiy Yevropada joylashgan Amerika bo‘linmalarini bo‘hronlar chog‘ida kuchaytirish imkonini beradi”, — deya ta’kidlagan general. U Germaniyaga tanklar va bronetransportyorlar bilan kuchaytirilgan qo‘shimcha brigada joylashtirishni taklif etmoqchi ekanligini ham bildirgan.
Eslatib o‘tamiz, avvalroq ommaviy axborot vositalari AQSh armiyasi mamlakat va uning tashqarisida 40 ming harbiy xizmatchini qisqartirishni rejalashtirayotgani haqida xabar bergan edi.
Izoh (0)