Braziliyada 10 mingdan ziyod baliq dunyodagi eng yirik chuchuk suvli akvariumga ko‘chirilishni kutish chog‘ida halok bo‘ldi. Hodisa Matu-Grosu-du-Sul shtatining Kampu-Grandi shahrida ro‘y berdi, deya xabar bermoqda Channel News Asia.
Ulkan akvarium 2014-yil oxirida ishga tushishi rejalashtirilgani sababli noyabrda Afrika, Osiyo va Okeaniyadan baliqlar keltirilgandi. Ammo qurilish cho‘zilgani uchun baliqlar vaqtinchalik akvariumlarga joylashtirilgan va ularning qaroviga 5,2 million real ajratilgan. Biroq suv jonivorlarining 80 foizi harorat o‘zgarishini ko‘tara olmadi, 10 foizi kasallik tufayli nobud bo‘ldi, yana shunchasi ko‘chishga dosh bermadi.
Hodisa bilan shtat prokuraturasi shug‘ullanmoqda. Ulkan akvariumning ishga tushishi esa noma’lum muddatga qoldirildi.
Izoh (0)