Serbiya bosh vaziri Aleksandr Vuchich Bosniyaning Srebrenitsa shahrida o‘ziga uyushtirilgan hujumga izoh berdi. Bu haqda “Novaya gazeta” xabar bermoqda.
Aleksandr Vuchich 1995-yilda halok bo‘lgan sakkiz ming musulmonni xotirlash maqsadida Srebrenitsaga tashrif buyurgandi. Mazkur ommaviy qirg‘in serblar tomonidan amalga oshirilgan.
Potochari xotira yodgorligiga gullar qo‘yganidan so‘ng, Vuchich hujumga uchradi: noma’lum shaxslar unga qarata tosh va shisha idishlarni uloqtirdi.
1995-yil 11-iyul kuni Srebrenitsada musulmonlar ommaviy ravishda qirg‘in qilingan. Rasmiy Belgrad mazkur jinoyatni inkor etmaydi, biroq bu harakat “serblarning ommaviy qirg‘in qilinishiga javoban amalga oshirilgan” deb hisoblaydi.
8-iyul kuni BMT Xavfsizlik kengashi Srebrenitsadagi qirg‘inni genotsid deb baholashni taklif qildi, biroq tegishli rezolyutsiyaga Rossiya veto qo‘ydi.
Izoh (0)