Germaniya rasmiy Afinaga vaqtincha yevrohududdan chiqishni taklif qildi. Bu haqda, Germaniya Moliya vazirligi hujjatlariga asoslanib, Frankfurter Allgemeine Zietung deya xabar bermoqda.
Birinchi yo‘l — Gretsiyaning 50 milliard yevro miqdoridagi mulkini maqsadli jamg‘armaga topshirish. Jamg‘arma mulkni sotadi va tushgan pulni Afinaning qarzlarini qoplash uchun yo‘naltiradi.
Ikkinchi yo‘l — Gretsiyaning yevrohududga a’zoligini besh yilga to‘xtatish. Ayni vaqtda, Germaniya moliya vaziri Volfgang Shoyble Afinaning yevrohududdan chiqarilishi ehtimoli haqidagi xabarlarga izoh berishdan bosh tortdi.
Avvalroq Shoyble inqirozdan chiqish bo‘yicha Gretsiyaning takliflarini keskin tanqid qilgandi. Uning so‘zlariga ko‘ra, greklar iqtisodiy islohotlar o‘tkazish niyatida ekanliklarini aytishdan ko‘ra kattaroq ish qilishlari kerak.
Izoh (0)