Elektrosamolyotlar birinchi marta La-Mansh ustidan uchib o‘tdi

Fransiyalik uchuvchi Yug Dyuval 8-iyul oqshomida elektr samolyotda La-Mansh bo‘g‘ozini kesib o‘tdi. Bu haqda Meduza xabar bermoqda.

Vol historique ; traversée de la Manche avec un avion 100% électrique : Hugues Duval l'a fait, @ParisMatch était là. pic.twitter.com/utRmzEiMdX

— Solène Leroux (@solenelll) July 9, 2015

U Fransiyaning Kale shahridan bo‘g‘oz bo‘yidagi Angliyaning Dover shahrigacha uchib bordi va yana Fransiyaga qaytdi. Dyuval bir o‘rinli Cri-Cri samolyotini boshqarib borgan.

Yug Dyuval Airbus kompaniyasini bir necha soatga ortda qoldirdi — mazkur kompaniya 9-iyul kuni La-Mansh ustidan o‘z elektr samolyotini uchirishini e’lon qilgandi.

9-iyul kuni tongda fransiyalik uchuvchi Didye Esten ikki o‘rinli E-Fan samolyotida Angliyaning Lidd shahridan uchib, 40 daqiqadan so‘ng Kalega qo‘ndi.

#eFan is in the air! http://t.co/61NQMgQDTj #wemakeitfly #makinghistory #channelcrossing pic.twitter.com/m7JwTyffoD

— Airbus Careers (@AirbusCareers) July 10, 2015

Airbus kompaniyasi Yug Dyuvalning natijasini olqishladi, biroq kompaniyaning fikricha, uning parvozi birinchi deb hisoblanmaydi. Gap shundaki, Dyuvalning samolyoti o‘zi uchmagan — uni boshqa bir qurilma havoga ko‘targan.