Электросамолётлар биринчи марта Ла-Манш устидан учиб ўтди

Франциялик учувчи Юг Дюваль 8 июль оқшомида электр самолётда Ла-Манш бўғозини кесиб ўтди. Бу ҳақда Meduza хабар бермоқда.

Vol historique ; traversée de la Manche avec un avion 100% électrique : Hugues Duval l'a fait, @ParisMatch était là. pic.twitter.com/utRmzEiMdX

— Solène Leroux (@solenelll) July 9, 2015

У Франциянинг Кале шаҳридан бўғоз бўйидаги Англиянинг Довер шаҳригача учиб борди ва яна Францияга қайтди. Дюваль бир ўринли Cri-Cri самолётини бошқариб борган.

Юг Дюваль Airbus компаниясини бир неча соатга ортда қолдирди — мазкур компания 9 июль куни Ла-Манш устидан ўз электр самолётини учиришини эълон қилганди.

9 июль куни тонгда франциялик учувчи Дидье Эстен икки ўринли E-Fan самолётида Англиянинг Лидд шаҳридан учиб, 40 дақиқадан сўнг Калега қўнди.

#eFan is in the air! http://t.co/61NQMgQDTj #wemakeitfly #makinghistory #channelcrossing pic.twitter.com/m7JwTyffoD

— Airbus Careers (@AirbusCareers) July 10, 2015

Airbus компанияси Юг Дювалнинг натижасини олқишлади, бироқ компаниянинг фикрича, унинг парвози биринчи деб ҳисобланмайди. Гап шундаки, Дювалнинг самолёти ўзи учмаган — уни бошқа бир қурилма ҳавога кўтарган.