Karmana tumani, “Azamat” qishlog‘idagi fermer xo‘jaligida suvchi bo‘lib ishlaydigan erkak Zaharhovuz arig‘i bo‘yida o‘sib chiqqan “giyoh”ni ko‘rgach, uni yulib olib, pana joyda quritdi, deb yozadi “Huquq” gazetasi.
2015-yilning 8-yanvar kuni uning tog‘asi qo‘ng‘iroq qilib, bir gugurt qutisida “dori” kerakligini aytadi. Bir gugurt qutisi 150 ming so‘mga narxlanadi. Ular “Azamat” qishlog‘ida uchrashishga kelishib oladi. Tog‘asining yonida begona kishini ko‘rib, asl xaridor shu bo‘lsa kerak, deb o‘yladi. Ammo bunday bo‘lib chiqmadi.
Jinoyat ustida qo‘lga olingan erkak O‘zbekiston Respublikasi Jinoyat kodeksining tegishli moddasi bilan aybdor, deb topildi. “Huquq” gazetasi ma’lum qilishicha, fermer xo‘jaligi suvchisi 2 yilu 6 oy muddatga ozodlikdan mahrum etildi.
Izoh (0)