Xitoydagi davlat ulushi bor kompaniyalarga o‘z aksiyalarini birjada sotish vaqtincha taqiqlandi. Meduza’ning xabar berishicha, bu haqdagi qaror Xitoy hukumatining davlat mulkini boshqarish qo‘mitasi tomonidan qabul qilingan.
Ayni vaqtda, davlat kompaniyalariga birjalarda boshqa Xitoy kompaniyalarining aksiyalarini faol sotib olish haqida ko‘rsatma berilgan.
Bundan tashqari, birja bozoridagi vaziyatni barqarorlashtirish maqsadida Xitoy hukumati sug‘urta kompaniyalariga o‘z kapitalining 40 foizini aksiyalarga tikishga ruxsat bergan. Avvallari bu boradagi limit 30 foiz etib belgilangan edi.
Bundan tashqari, Xitoy Markaziy banki “birja bozorini barqarorlashtirish uchun likvidlik taqdim etish” rejalarini e’lon qildi, biroq gap qancha miqdordagi pul haqida borayotganiga aniqlik kiritmadi.
Biroq bu choralar hozircha natija keltirganicha yo‘q. 8-iyuldagi savdolar natijasiga ko‘ra, Shanxay birjasi indeksi yana 4 foizga pastladi. Umuman, so‘nggi bir necha haftadan beri Xitoy birjalaridagi aksiyalar bahosi keskin arzonlashmoqda.
Izoh (0)