Qozog‘iston dunyoning qimmatbaho avtomobillariga buyurtma berish bo‘yicha Rossiyadan o‘zib ketdi

Qozog‘iston va Ozarbayjon kabi mamlakatlarda qimmatbaho avtomobillarga bo‘lgan talab oshib bormoqda. Bu haqda Bloomberg agentligiga tayanib, “Nur.kz” xabar qilmoqda.

“Olma-Otaning o‘nqir-cho‘nqir yo‘llarida Rolls-Royce, Bentley va Maserati rusumli avtomobillarda yurishni istagan ko‘plab boy kishilar bor. Shu sababli Markaziy Osiyoning ushbu mamlakatida qo‘shni Rossiyadan ko‘ra, ko‘proq odam Bentley’ga buyurtma bergan”, — deyiladi agentlik xabarida.

Avtomobil kompaniyalari so‘nggi yillarda noodatiy bozorlarga e’tiborini oshirib bormoqda. 2014-yilda Rolls-Royce’ning 6 ta dillerlik markazidan 4 tasi Ozarbayjon, Kambodja, Meksika va Qozog‘iston kabi rivojlanayotgan bozorlarda ochildi.