Amerikalik aktrisa Pamela Andersonning Rossiya prezidenti Vladimir Putinga yo‘llagan maktubi haqida Kreml hech narsa bilmaydi. Bu haqda Putinning matbuot kotibi Dmitriy Peskov ma’lum qildi, deya xabar bermoqda “RBC.ru”.
7-iyul kuni aktrisa Rossiya prezidentiga maktub yo‘llab, finval (kit turi) go‘shtini olib ketayotgan Winter Bay kemasiga nisbatan chora ko‘rishni so‘ragani ma’lum bo‘lgandi.
Andersonning fikricha, Rossiya hukumati yo‘qolib ketish xavfi ostida bo‘lgan mazkur suv jonzoti go‘shtini olib ketayotgan kemaning Shimoliy dengiz yo‘li orqali harakatlanishiga yo‘l qo‘ymasligi lozim.
Aktrisa avval ham jonivorlarni himoya qilishni so‘rab Vladimir Putinga murojaat qilgan. 2010-yilgi murojaatida u Putindan Kanada tyulenlari terisining Rossiyaga eksportini taqiqlashni so‘ragandi.
Izoh (0)