Dunyodagi eng keksa erkak Yaponiyada 112 yoshida vafot etdi

Ginnesning Rekordlar kitobida dunyodagi eng keksa erkak sifatida qayd etilgan Yaponiyaning Saitama prefekturasi fuqarosi Sakari Momoi hayotining 113-yilida vafot etdi. Bu haqda “RIA Novosti” xabar beradi.

Sakari Momoi 1903-yilning 5-fevralida tug‘ilgan. U Yaponiyaning Fukusima va Saitama prefekturalarida yuqori sinflarga kimyodan dars bergan. Sakarining so‘zlariga qaraganda, unga uzoq umr ko‘rishning hech qanday siri ma’lum bo‘lmagan. Biroq tibbiy muassasa xodimlarining ta’kidlashicha, u muntazam ovqatlangan va tartibli hayot tarzi olib borgan.