Дунёдаги энг кекса эркак Японияда 112 ёшида вафот этди

Гиннеснинг Рекордлар китобида дунёдаги энг кекса эркак сифатида қайд этилган Япониянинг Саитама префектураси фуқароси Сакари Момои ҳаётининг 113 йилида вафот этди. Бу ҳақда «РИА Новости» хабар беради.

У Токиодаги тиббий муассасалардан бирида ўткир буйрак етишмовчилигидан вафот этди.

Сакари Момои 1903 йилнинг 5 февралида туғилган. У Япониянинг Фукусима ва Саитама префектураларида юқори синфларга кимёдан дарс берган. Сакарининг сўзларига қараганда, унга узоқ умр кўришнинг ҳеч қандай сири маълум бўлмаган. Бироқ тиббий муассаса ходимларининг таъкидлашича, у мунтазам овқатланган ва тартибли ҳаёт тарзи олиб борган.