“Progress M-28M” yuk kemasi Xalqaro fazoviy stansiya (XFS)ga birikdi. Bu haqda “Novaya gazeta” xabar bermoqda.
“TASS” xabariga ko‘ra, fazoviy yuk tashuvchi XFSga 2,4 tonna yuk olib chiqqan, ular orasida suv, yegulik, havo, kislorod, yonilg‘i, ilmiy tajribalar uchun konteynerlar va boshqa anjomlar bor.
Bu safar kosmonavtlarga 430 kilogramm yegulik yuborilgan, bu aprelda yuborilganidan 100 kilogrammga ko‘p.
“Progress” olib chiqqan oziq-ovqat mahsulotlari orasida go‘sht va baliq konservalari, yangi uzilgan olma, pomidor, apelsin, piyoz, sarimsoq va qandolat mahsulotlari bor.
Shuningdek, kema Amerika yuki va ilmiy uskunalarini ham XFSga olib chiqqan. Bu yukni aslida iyun oyi oxirida Dragon yuk kemasi tashishi kerak edi, biroq avariya sabab bu amalga oshmagandi.
“Progress M-28M” fazoviy kemasi 3-iyul tongida Boyqo‘ng‘ir kosmodromidan parvoz qilgandi. Bu apreldagi avariyadan keyingi “Progress”ning ilk parvozi bo‘ldi.
Izoh (0)