O‘zbekistonlik kiberfutbolchi MDHda uchinchi o‘rinni egalladi

O‘zbekistonlik taniqli kibersportchi Abdusapi Qayumov FIFA 15 o‘yini bo‘yicha yaqinda bo‘lib o‘tgan Stars CUP CIS 2015 musobaqasida uchinchi o‘rinni egalladi. Bu haqda “Infocom.uz” xabar bermoqda.

Rossiya kibersport federatsiyasi tomonidan tashkil etilgan musobaqa MDHning eng kuchli kiberfutbolchilarini bir joyga jamladi.

Ma’lumot uchun, Legenda taxallusi bilan tanilgan Abdusapi Qayumov ikki yarim yillik o‘yinchilik faoliyati davomida mahalliy va xalqaro maydonda sezilarli yutuqlarga erishdi, xususan, u FIFA 13/14 simulyatorlari bo‘yicha O‘zbekistonning ikki karra chempioni hisoblanadi.