Butun dunyo bo‘ylab 10 mingdan ziyod kishi AQSh prezidenti Barak Obamadan Ikkinchi jahon urushi oxirida amerikaliklar tomonidan atom bombalari qo‘llangan Xirosima va Nagasakiga avgust oyi boshlarida tashrif buyurishini so‘ramoqda. “Asaxi” gazetasining ma’lum qilishicha, maxsus saytdagi shaklni to‘ldirib, Oq uy rahbariga murojaatni jo‘natish mumkin, deya xabar bermoqda “TASS”.
Kembrijdagi Bezovta olimlar uyushmasi (BOU) ushbu tashabbus muallifi bo‘ldi. Murojaat matni tayyorlab qo‘yilgan, istaganlar ism va manzillarini qo‘shib qo‘yishi kifoya. “Sizdan yadro quroli boshqa hech qachon ishlatilmasligi kerakligini barchaga eslatish uchun Xirosima va Nagasaki bombardimoniga 70 yil to‘lishi munosabati bilan avgust oyi boshida Yaponiyaga borishingizni so‘raymiz”, — deyiladi unda.
Izoh (0)