Viktoriya Bekxem Xillari Klintonni kiyintirishni orzu qiladi

Viktoriya Bekxem qachonlardir boshlovchi dizayner edi, biroq hozirda u mazkur sohada o‘zini ancha ishonchli his qilmoqda, deya xabar berdi “Segodnya.ua”.

Bekxem xonimning yaqinda The Cut nashriga bergan intervyusidan ma’lum bo‘lishicha, u endilikda dizaynerlik sovrinlaridan qoniqish hosil qilmayapti.

Aksincha, u davlat darajasidagi mijozlarga xizmat ko‘rsatishni istamoqda. Xususan, taniqli futbolchi Devid Bekxemning turmush o‘rtog‘i AQSh prezidentligi uchun nomzod Xillari Klintonni kiyintirishga qarshi emas.

“Men jon deb u bilan ko‘rishgan va uni kiyintirgan bo‘lardim”, - dedi Viktoriya. Hozircha Klinton xonim Viktoriyaning xizmatlariga qiziqish bildirmagani sabab, Bekxem xonim yaqin kelajakdagi rejalari bilan o‘rtoqlashdi.

“Men o‘z brendimning narx siyosati ustida ishlayman, chunki Victoria Beckham liboslarini imkon qadar ko‘proq odam kiya olishini istayman”, - dedi u.