Бутун дунё бўйлаб 10 мингдан зиёд киши АҚШ президенти Барак Обамадан Иккинчи жаҳон уруши охирида америкаликлар томонидан атом бомбалари қўлланган Хиросима ва Нагасакига август ойи бошларида ташриф буюришини сўрамоқда. «Асахи» газетасининг маълум қилишича, махсус сайтдаги шаклни тўлдириб, Оқ уй раҳбарига мурожаатни жўнатиш мумкин, дея хабар бермоқда «ТАСС».
Кембридждаги Безовта олимлар уюшмаси (БОУ) ушбу ташаббус муаллифи бўлди. Мурожаат матни тайёрлаб қўйилган, истаганлар исм ва манзилларини қўшиб қўйиши кифоя. «Сиздан ядро қуроли бошқа ҳеч қачон ишлатилмаслиги кераклигини барчага эслатиш учун Хиросима ва Нагасаки бомбардимонига 70 йил тўлиши муносабати билан август ойи бошида Японияга боришингизни сўраймиз», — дейилади унда.
Изоҳ (0)