Rossiyalik rok-xonanda Zemfira Tbilisidagi Tbilisi Open Air 2015 rok-festivalida ishtirok etdi. “Korrespondent.net” xabariga ko‘ra, u “Interesno, kak ti tam” qo‘shig‘ini ijro etayotgan vaqtda tomoshabinlarning biridan Ukraina bayrog‘ini olib, sahnada hilpiratgan, so‘ng uni mikrofon ustunchasiga bog‘lab qo‘ygan.
“Xotiram pand bermayotgan bo‘lsa, Zemfira “Interesno, kak ti tam, budu dumat chto v poryadke” qo‘shig‘ini ijro etayotgan vaqtda bayroqni qo‘lga oldi”, - deb yozdi Instagram’ning @enzeree nomli foydalanuvchisi.
Eslatib o‘tamiz, Zemfira bahorda ukrainaliklarni qo‘llab-quvvatlash ramzi sifatida o‘z saytida barcha ma’lumotlarni o‘chirib, 2008-yilgi konsertlardan birida ukrain tilida o‘zi kuylagan, “Okean Elzi” guruhiga tegishli “Vidpusti” qo‘shig‘ini qoldirgan edi.
Izoh (0)